राजकारण

अल निनोच्या प्रभावामुळे संभाव्य दुष्काळाचे सावट; सुनेत्रा वहिनी पवार यांच्याकडून पुणे जिल्ह्यातील टंचाई परिस्थितीचा आढावा

अल निनोचा संभाव्य प्रभाव आणि राज्यातील दुष्काळी परिस्थितीची शक्यता लक्षात घेता पुणे जिल्ह्यातील टंचाई व्यवस्थापनाचा विषय ऐरणीवर आला आहे. या पार्श्वभूमीवर सुनेत्रा वहिनी पवार यांनी आज पुणे विभागीय आयुक्त कार्यालय येथे बैठक घेऊन जिल्ह्यातील सद्यस्थितीचा सविस्तर आढावा घेतला. बैठकीत ग्रामीण आणि शहरी भागातील पाणीटंचाई, चारा टंचाई तसेच आगामी काळात उद्भवू शकणाऱ्या संभाव्य समस्यांवर चर्चा करण्यात आली.संभाव्य टंचाईच्या काळात नागरिकांना पिण्याच्या पाण्यासाठी अडचणींचा सामना करावा लागू नये, यासाठी पाणीपुरवठ्याचे प्रभावी नियोजन करण्याच्या सूचना सुनेत्रा वहिनी पवार यांनी संबंधित अधिकाऱ्यांना दिल्या. ग्रामीण भागातील पाणीपुरवठा सुरळीत ठेवण्यासोबतच शहरी भागातही पाणीटंचाई निर्माण होऊ नये, यासाठी आवश्यक उपाययोजना वेळेत राबविण्याचे निर्देश देण्यात आले.पाण्याच्या प्रश्नाबरोबरच पशुधनासाठी आवश्यक असलेल्या चाऱ...