लातूर

लातूर शहरात दिव्यांच्या लखलखाटात आणि गुलाबी थंडीत रंगली दिवाळी पहाट संगीत मैफल

लातूर शहरातील अष्टविनायक मंदिर परिसरात रविवारी भल्या पहाटे दिवाळी सणानिमित्त स्वरोत्सव आणि दीपोत्सव मोठ्या उत्साहात पार पडला. लक्ष्मीपूजनाच्या पवित्र दिवशी सकाळी लवकर उठून मंदिराकडे जाणाऱ्या नागरिकांसाठी या संगीतमय कार्यक्रमाची मेजवानी देण्यात आली होती. या वेळी पसरलेल्या गुलाबी थंडीत वाफाळत्या दुधाची घोट घेत शेकडो संगीतप्रेमींनी या सोहळ्याला हजेरी लावली होती.लातूर अर्बन को-ऑप बँक आणि अष्टविनायक प्रतिष्ठान यांच्या संयुक्त विद्यमाने या सुरेल कार्यक्रमाची रचना करण्यात आली होती. मैफल सुरू होण्यापूर्वी भल्या पहाटे साडेचार वाजता मंदिर परिसर सुमारे 10 हजार पणत्यांनी उजळवून टाकण्यात आला होता. याप्रसंगी संस्थेचे संस्थापक प्रदीप राठी आणि अध्यक्ष आकाश राठी यांच्यासह अनेक प्रमुख मंडळी उपस्थित होती.या मैफलीमध्ये सायली टाक, शर्वरी डोंगरे आणि उन्नती मुंढे या कलाकार भगिनींनी आपल्या सुमधुर गायनाने उपस्थ...